Newcastle United chuan nipui bazar huna bazarna tur sum an mamawh vangin Brazil midfielder Bruno Guimaraes hralh mai an rilruk. (Football Insider)
Real Madrid leh Paris St-Germain te chuan Manchester City lakah Newcastle an tlawm tum Inrinni zan khan Guimaraes an thlithlai. PSG hian Guimaraes-an Magpies-a a khelhpui Sweden striker Alexander Isak an thlithlai uluk viau bawk. (HITC)
Bayern Munich chuan Germany midfielder Joshua Kimmich chu nipui bazar inhawn hunah hralh an phal. Kum 29 mi hian club naran lo deuh Manchester City, Arsenal, Liverpool, Real Madrid emaw Barcelona emaw ber zawm a duh. (Florian Plettenberg)
Manchester United leh Liverpool te chu Real Madrid leh Morocco forward Brahim Diaz ngaihven zingah an tel. (HITC)
Manchester City leh Portugal midfielder Bernardo Silva chuan a chawrchhuahna Benfica-ah kir leh ngei a tum thu a sawi a. Engtikah nge tih zawhna erawh a chhang lo thung. (SIC – in Portuguese)
Everton chuan Manchester United leh Chelsea ten lak an tum England defender Jarrad Branthwaite manah a tlem berah pawh £80m an phut. (Teamtalk)
England forward Raheem Sterling chuan Saudi Arabia atanga sawmna a dawn hnar a tum a. Season tharah Chelsea chu trophy lak pui ngei a tum zawk dawn. (Standard)
Chelsea chuan khel tha thei tak England forward Cole Palmer chu a phu ang ngeiin contract thar, hlawh tam zawk fe ta tur zawrh an tum. (Football Insider)
Eddie Nketiah chuan nipui bazar inhawn hunah Arsenal a chhuahsan ngei dawn a. Wolveschu England striker Nketiah club thar ni thei zingah an tel. (Teamtalk)
Borussia Dortmund chuan United atanga an hawh England winger Jadon Sancho chu a nghetin lak luh ngei an tum a. Kum 2021 a an hralhna £73m zatve vel chauhin kum 23 mi hi an ngam thung. (Sky Germany via Mirror)
Tottenham Hotspur chuan West Ham full-back Ben Johnson lak an duh. (Football Transfers)
Liverpool chuan Bayer Leverkusen left-sided defender Piero Hincapie an ngaihven. (HITC)
Manchester United chuan English midfielder Kobbie Mainoo chu contract thar ziahpui tumin an dawr. (Football Insider)
Chelsea chuan an manager rawih mek Mauricio Pochettino hmunruak luah thei zingah Inter Milan coach Simone Inzaghi a tel tih an nem nghet. (Teamtalk)