Mizoram chhunga National Highway 54 kawngpui sial hnathawhin an chenna in a sut chhiat dawn avanga zangnadawmna la tawh an chenna in thiat duh lote chu sorkarin an in a thiahsak thin a, Zobawk South-a cheng thupek zawm lote in chu vawiin khan thiah leh a ni.
Sorkarin an chenna in thiahna tur thupek “Eviction Notice” a pek tawh, dan pawisa loa in thiat duh lo Zobawk South-a cheng C.Lalroliana, F.Lalrinawma, P.Laldenga, Lallawma leh Hmingthanmawia te chenna in chu nimin khan thiah sak an ni a, Deputy Commissioner, Lunglei District aiawh K.Lalhlimpuia, Assistant Sattlement Officer leh Executive Magistrate te hovin in hi thiah a ni.
Zobawk South khuaah hian dan zawm lo chenna in panga chu thiah a lo ni tawh a, naktukah in thiat tura ngen fo dan pawisa lo lui Lalramnghaka, Zobawk North leh K.Lalengliani, Dawn khua te chenna in thiah leh a ni dawn a ni.