- Ruata
Hyundai chuan an SUV lar, Creta huang zauhin N Line version an dah belh leh ta.
A hma khan Hyundai Creta N Line version chungchang hi kan lo tarlang tawh a. Hyundai chuan an lirthei hrang hrangah N Line hi an lo tichhuak tawh a, an SUV lar leh hralh kalah hian an lo tichhak veleh ta a, lirthei leituten eng angin nge an lo dawnsawn dawn tih chu lirthei market awm chho turah a hriat dawn a. A mawiin a inhmeh hle a, mi tam tak a hip hle turah a beiseiawm a ni.
Creta N Line hi chi hnih N8 leh N10 a awm a. Hetah hian N8 MT, N8 DCT, N10 MT leh N10 DCT-a awm a. A man hi a indawt danin Rs nuai 16.82, Rs Nuai 18.32, Rs nuai 19.34 leh Rs nuai 20.29 a ni a. Hyundai Creta N Line hi WRC lirthei design nghahchhana duan a ni a, a chhung leh pawnah N Line nihna hrang hrang a chuang a ni.
A performance thawm that nan Hyundai hian Creta N Line-ah hian steering dynamic, suspension setup leh exhaust te chu an khawih danglam a. A khawl lamah chuan 1.5L turbo petrol engine hmangin, 6-speed manual leh 7-speed DCT gearbox duh thlan theih a ni. He khawl hian power lamah chuan 158bhp leh 253Nm torque a pe chhuak thei a ni.
Hyundai Creta N Line hian grille design thar N Line emblem chuang a nei a, a hma bumper thar rawng sena chei a nei bawk a. He SUV thar hian 18-inch R18 alloy wheel thar hlak a nei bawk a, hma leh hnung brake caliper sen a neih bakah a side sill chu insert sen a chei a ni bawk a ni.
A hnunglamah he SUV thar hian sporty skid plate a keng tel a, insert sen a awm leh bawk a. N Line emblem a chuan bakah sporty twin-tip exhausts a nei a. A lirthei rawng lamah chuan single-tone rawng duhthlan tur pathum – Atlas White, Abyss White, leh Titan Gray Matte te a awm a, chubakah dual-tone duhthlan tur pathum – Atlas White with Abyss Black roof, Thunder Blue with Abyss Black roof, leh Shadow Gray with Black roof a awm bawk a ni.
A chhunglamah pawh N Line nihna hrang hrang kan hmu zel a. All-black theme hmangin dashboard, gear lever leh AC vents-ah insert sen a chuang leh bawk a. A gear knob, steering wheel, leh leatherette seat-ah a thuina sen a awm a, N Line badging a chuang bawk a ni.
Creta N Line version hian kentel hrang hrang – panoramic sunroof, 360-degree camera, dual 10.25-inch screen, ventilated front seat, Bose music system, 8-way electrically adjustable driver’s seat, airbag 6, EPB with auto te a keng tel bawk a. Level 2 ADAS technology a nei bawk a ni.