Nimin khan Science Teachers Association Mizoram (STAM) chuan Chief Minister Lalduhoma lawmpuina thilpek pek pahin Science leh Technology lama Zoramin hma a sawnna tura STAM in a ngaihpawimawh thenkhat Chief Miniter hnenah an thlen a. Chief Minister chuan tha taka lo dawngsawngin an thu thlente pawh a lo ngaih pawimawhsak hle a, tihhlawhtlin dan zawn ngei a tum thu a sawi.
An thu thlente chu :
- NIT, Mizoram tihhmasawnna tur Chungchang: Central sorkarin institution tha bik tura a duan – Institute of National Importance hiala a puan, India ram pumah pawh 31 emaw chauh awm NIT, Mizoram-in kan nei ve hi hmasawnna mumal awm lovin kum 20 chuang a kal tawh a. NIT hmasawnna tura an mu tan ber Forest clearance tihfel a pawimawh tak meuh thu te, NIT, Mizoram hi zirlaite mai bakah kutthemthiam thil buaipuitu te leh entrepreneur te tana chenfakawm zirna in tha lehzual a nih dan tur.
- Zoram Medical College a Post Graduate Course hawn chungchang: ZMC ah Post Graduate Course hawng tura rawtna an thlen chu National Medical Commission (NMC) pawmpuina (full recognition) neih a nih veleh Post Graduate Course hi hawn theih a nih tur thu a lo sawi. STAM chuan lawmawm a ti hle.
- Directorate of Science, Technology and Innovation Directorate – Department puitlinga hlan kai: Mizorama Science and Technology lama kan inpui ber Directorate of Science, Technology and Innovation, department puitlinga hlankai a tul thu an thlen chu tun dinhmunah Department puitlinga hlankai theih anih chiah loh pawhin chak zawka hmala thei tura tih len (Upgrade) ngei tul a tih thu Chief Minister chuan a lo hrilh.