Bollywood star zinga rilru a awm huaisen taka sawichhuak phawng phawng thin langsar tak Kangana Ranaut chuan Lok Sabha inthlan lo awm turah BJP ticket-in Mandi, Himachal Pradesh-ah a ding dawn ta.
Politics lipui luhchilh tumtu hian BJP-a official taka lawmluh a ni leh party aiawha ding tur a nihnaah lawmthu sawiin, chawimawina ropui tak a ni, a ti.
Kangana hi ruling party (BJP) tantu langsar a nih bakah mimal tak pawhin Prime Minister Narendra Modi supporter ruhkawl a nih thu a tlangaupui fo tawh a, kum 10 kalta daih atang tawha political party duh ber leh tha tih ber sawichhuak ngam a nih bakah politics thil tam taka milar te’n ngawih an chuh thuap lai pawha huaisen taka a ngaihdan leh hmuh dan sawichhuak ngam zingami a ni.