Aizawl: Mizo Zirlai Pawl (MZP) chuan tun hnaia Mizoram Public Service Commission (MPSC)-in Combines Competitive Examinations kalpui danah thil fel tawk lo a awm nia lang chu pawi an tih thu an sawi.
Nimina thuchhuah an siamah MZP chuan, MPSC in February 1, 2024-a result a tihchhuah tak, Combined Competitive Examinations kalpui danah thil fel tawk lo leh chhui chian ngai thil a awma an hriat thu tarlangin, “Mizoram-a hna sang leh zahawm tak tak latu MPSC chhungah hetiang thil hriat tur a awm hi MZP chuan pawi a ti takzet a ni,” an ti.
Mizorama hna sang leh zahawm tak takte lak hna, MPSC-in tun thlenga rintlak taka rei tak a kalpui lawmawm an tih thu tar langin MZP chuan, “|halai hna zawng mekte pawhin an ringtawk hle thin a ni. Chutih laiin Combined Competitive Examinations kalpui hnuhnung berah thil dik tawkloa hmalakna awm ngeiin MZP chuan a hria a, a ngai thutak hle,” tiin ngunthluk zawka zirchian a, MPSC hi thalai hna zawng mekten an rin ngam zel theihna turin a tawp thlengin hma a la zel dawn niin an tar lang bawk.
MZP tar lan danin, tun hnaiah, NIT Mizoram Asst. Registrar leh AMC hnuaia hna lakah hrang hrangah a buaipuituten an laina hnai duhsak zawngte thun an tum avangin hma a la bawk.