Korean singer lar Park Bo Ram a awm tawh lo. Kum 30 mi hi Korean drama lar tak takah te ‘aw’ lo thawh tawh hi kartawp khan South Korea-ah a boral.
A thiante sawi danin, kartawp khan intihlimna te nei a, hun an hmanho laiin, bathroom-ah a kal chu a lo letleh tawh lova, thil awmdan an va enfiahin, nikhaw hre lovin a lo awm.
Park hi rang taka Damdawin In panpui ni mah se, an thlen meuh chuan a lo chatthla fel tawh a ni.
A thih chhan dik tak hriat a la ni lova, heti anga singer lar tak thih thutna hian K-pop khawvel a nghawrchhuak rang hle.
Police-in a thihchhan dik tak hre turin hma an la mek.