Thah a vauna vawi hnih lai dawng tawh Salman Khan chenna In pawn lamah nimin khan inkahna a thleng.
Bandra, Mumbai-a a chenna In chu tu tih hriat loh mi pahnih chuan nimin zing dar 5 vel khan hnaih pheiin, silai vawi eng emaw zat an hmeh puah hnu ah an insaseng leh nghal.
Vanneihthlak takin, he inkahnaah hian thi leh hliam an awm lo hlauh. Mumbai police te chechhuak nghalin, bike-a chuang mi pahnih nia sawi hi an chhui nghal a, chanchin buatsaih lai hian rinhlelh man an la nei lo.
Bollywood superstar Salman hi kumhnih zawnin vawi eng emawzat thah a vauna dawng tawh a ni a, state sorkar mai ni lo, central sorkar meuh pawhin la thu tak hle in, venhimna khauh tak a pe nghe nghe.