Bayern Munich chuan nipui bazar liamtaa an lak theih loh Manchester City leh England defender Kyle Walker chu nipui bazar inhawn hunah lak tumin ruahmanna thar an siam. (Star)
Manchester United co-owner Sir Jim Ratcliffe chuan super agent Jorge Mendes hmuin hnuaia awm kum 19 mi Benfica leh Portugal midfielder Joao Neves chungchanga sawipui. Mendes hi United in nipui bazar inhawn huna lak an tum zual zinga mi a ni. (Mirror)
Crystal Palace chuan Wolfsburg centre-back Maxence Lacroix chu nipui bazar inhawn hunah lak an tum ve leh ta. (Telegraph – subscription required)
Liverpool chuan an club structure thlak danglam an tum a, Arne Slot chu manager ni lovin an head coach atan zawk ruat an tum. (Times – subscription required)
West Ham in an manager David Moyes hmunruak luahtu atan Wolves boss hlui Julen Lopetegui ruat an tumna chu a hlawhtling thei dawn lo niin a lang a. AC Milan chuan Lopetegui hi an manager thar ni turin inremna an neihpui thei tep tawh nia hriat a ni. (Guardian)
Barcelona chuan La Liga-a an elpui Real Betis atangin Argentina midfielder Guido Rodriguez an la lut fel thei tep tawh. (Sport – in Spanish)
Barcelona chuan kum 17 mi centre-back Pau Cubarsi chu an hnenah rei tak cham thei turin hmun hima dah an tum a, contract thar zawrhin a contract tharah hian a lakchhuah theihna zat atan €500m (£423.2m) zet bilh telh tumin an rawt. (AS – in Spanish)
Juventus chuan Italy forward Federico Chiesa leh Serbia striker Dusan Vlahovic te contract thar ziahpui tumin hma an la. (Rudy Galetti)
German goalkeeper Loris Karius chuan season kal mek tawpa contract a hman zawh hunah Newcastle United chhuahsan a tum. (Fabrizio Romano)
Tottenham chuan Real Madrid leh Turkey playmaker Arda Guler lak tuma ruahmanna an siam chu loh theih loha an bansan a ngaih hmel a. Real Madrid manager Carlo Ancelotti chuan Guler hi an hnenah a cham chhunzawm dawn niin a sawi. (Express)
AC Milan chuan season tawp hunah Aston Villa defender Diego Carlos lak an duh. (AS – in Spanish)
Manchester United chuan France defender Raphael Varane chu contract a hman zawh hun nipui bazarah free transfer in chhuahtir an tum. (Mirror)
Barcelona chuan nipui bazar inhawn hunah an tlarhma thuamchak an tum a, Liverpool leh Colombia striker Luis Diaz chu lak an tum zinga mi a ni. An beisei anga a chetthat tluan hleihtheih loh vangin Reds pawhin Diaz lakah hian dawhtheihna an nei tlem sawt hle. (Mundo Deportivo – in Spanish)