- Ruata
Maruti Suzuki chuan an hatchback lar leh hlun Swift chu chhuan thar, 4th generation model an tlangzarh leh ta, Rs. Nuai 6.49 – 9.64 (ex-showroom) man inkar a ni.
- A khawl
Swift thara danglamna lian tak chu a khawl thar hlak hi a ni a. Z-series khawl thar, 1.2 litre 3 cylinder petrol khawl a hmang a, he khawl hian 82PS power leh 112Nm torque a pechhuak thei a ni. A elpui zingah tui heh lo ber pawl a rawn tawh dawn a, a tui heh zawng hi manual transmission hmang chu 24.8kmpl niin AMT hmang chu 25.72kmpl a ni.
- A rawng
Swift thar hi monotone rawng chi 6 – Sizzling Red, Luster Blue, Novel Orange, Magma Grey, Splendid Silver leh Pearl Arctic White te a awm a. Dual-tone rawng chi thum – Sizzling Red with Midnight Black Roof, Luster Blue with Midnight Black Roof leh Pearl Arctic White with Midnight Black Roof te a awm bawk a ni.
- Ken tel
Swift thar a a top variant ZXi hoah hian kentel hrang hrang – digital AC panel, 9-inch touchscreen infotainment system, Suzuki Connect, wireless phone charger, Arkamys Surround Sense, Type-A and C USB charging port, hill hold control, 16-inch dual-tone alloy wheel, LED projector headlamp leh LED taillamp bakah thil thar hrang hrang kan hmu a.
ZX trim ho chunglamah AC vent, fully automatic climate control, rear washer leh wiper te a awm bawk a ni.
A laihawl, VXi and VXi (O) ah hian 7.0-inch touchscreen infotainment system, automatic climate control, defogger, manual key start functionality, projector halogen headlamps, halogen turn signals, ORVMs with integrated turn signals, 165/80 R14 MRF Ecotred tyres leh body-coloured door handle te kan hmu a. VXi (O) ah hian driver door handle sensor a awm a ni.
A variant tlawm ber, LXi-ah hian halogen projector headlamp, steel wheel, black coloured door handle and conventional rear door integrated handles (C-pillar mounted unit aiah) te kan hmu a. Standard safety hrang hrang – airbag 6, ABS (anti-lock braking system) with EBD (electronic brakeforce distribution), three-point seat belt, seat belt reminder, leh rear parking sensor te kan hmu a ni.
Swift thar hi a design pawh a mawiin a changkang hle a. Hatchback leitur tan chuan duhthlan tur tha ber zinga mi a ni chho dawn a ni.