Liverpool chuan Newcastle United leh England winger kum 23 mi Anthony Gordon a ngaihven a. Gordon hian football zinkawng a zawh tanna chu Liverpool in Merseyside a an elpui lian Everton-ah a ni. (Star)
Liverpool in Gordon lak an tumna hian Arsenal in nipui bazar inhawn hunah Newcastle leh Sweden striker Alexander Isak lak theih an beiseina a titawp thei dawn. (Express)
Colombia forward Luis Diaz chuan Paris St-Germain pan tur anga sawi awm chu a la thupui lo viau a, Liverpool-ah a kum ropui a inherchhuak mek niin a sawi. (Mirror)
Sheffield United chuan £8m sengin Sunderland goalkeeper Anthony Patterson lak an rilruk. (Sun)
Manchester City chuan kum Everton academy goalkeeper Douglas Lukjanciks lak tumin an ngaihven a, England Under-17 international manah hian £10m thleng sen an inhuam. (Sun)
Newcastle chuan English defender Tosin Adarabioyo chu nipui bazar inhawn hun a, Fulham a contract a hman zawh hunah free transfer in an lak theih hmel. (Mail)
Bayern Munich in an head coach atan rawih an duh niin thuthang awm bawk mah se, Crystal Palace chuan Austrian manager Oliver Glasner hi chhuahtir tumna an nei lo. (Fabrizio Romano)
Brighton boss Roberto de Zerbi chu Bayern Munich in an hnen atanga chhuak tur manager Thomas Tuchel hmunruak luahtu tura an duh zingah a la tel reng. (Sport Bild)
Luka Modric chuan kar tharh a hma lam hun tur a tichiang dawn niin a agent chuan a sawi. Kum 38 mi Croatia midfielder hian season tawp rualin Real Madrid-a a contract a hmang zo dawn. (Goal)
Eintracht Frankfurt chuan 13m euros (£11.2m) sengin Manchester United atanga an hawh mek Netherlands midfielder Donny van de Beek la nghet thei bawk mah se a ngheta lak tumna a nei lo. (Fabrizio Romano)
Everton, Brighton, Inter Milan leh Wolfsburg te chuan AZ Alkmaar atangin Japan full-back Yukinari Sugawara lak an rilruk hlawm. (Florian Plettenberg)
Millwall chuan Tottenham atanga an hawh mek English defender Japhet Tanganga chu a nghetin lak luh an duh. (Mirror)
West Ham chuan nipui bazar inhawn hunah Sevilla leh Morocco forward Youssef En-Nesyri lak an tum. (Football Insider)
Fiorentina chuan Italy midfielder Nicolo Zaniolo chu loan-a a khelh mekna Aston Villa atanga Galatasaray-a a kir leh hunah lak an tum dawn. (Calciomercato – in Italian)
Barcelona boss Xavi chuan Brighton-ah loan a khel mek, an hnena kir leh tur Spain forward Ansu Fati hma lam hun tur chungchangah rinhlelhna lian tak a siam. (Goal)