Karhmasaa bang ta Miss Teen USA 2023 UmaSofia Sirvastava dinhmun luah tura sawmna leh ngenna chu Miss Teen USA 2023 runner-up-in a hnawl.
Stephanie Skinner thutlukna leh a hnawl thu hian USA-ah boruak lian tak a siam mek a, inhnialna pawh a tihtam phah hle.
Heti anga crown a hnawlna chhanah Skinner hian kuminah thil tum dang a neih vang nia sawiin, “Thutlukna khirhkhan leh harsa tak a ni a, Miss Teen USA ni ngei tura ka beihna hautakzia leh ka inhlanfai thakna te pawh kha ka la hrereng.
“He title hi ka thil tum lian ber te pawh ni ve bawk mah se, hemi atana ka nungchang leh nihna bansan erawh ka tum hauh lo,” a ti.
Kum 19 mi hian remchanna duhawm tak a hmaa lo thleng a hnawl ta chu thutlukna dik tak a nih thu a sawi chhunzawm a, tunhnaia sawi neuh neuh awm chho mek Miss thlan boruak kal zelah a dinna sawhsawn a tum lo, a ti bawk.