Rimawi khawvela hla chuai thei lo leh mi tam tak duhrawn, ‘Wonderful Tonight’ phuah laia Eric Clapton-a hman acoustic guitar chu lilam a ni dawn ta.
Thla thara lilam tumnaah hian a lo berah $500,000 vela tihral theih beisei niin, he guitar pawimawh leh langsar tak ni bawk headstock-ah kang hnuhma hmuh tur a awm a, Clapton-a’n guitar hruai hnuaia zial a hnutchhia in a thlen niin, he serh lo awm ve hian a hlutna a tizual ngei tura ngaih a ni.
Kum 1960s tir lam khan English R&B group lar The Yardbirds-ah Eric Clapton hian hnuhma nei chho tanin, John Mayall & the Bluesbreakers, Cream leh Blind Faith-ah te pawh hriathlawh khawpin a inchher thei bawk.
Solo anga zinkawng a zawh tak erawh 1970’s chho bawr vel khan niin, tuna guitar lilam tur pawh hi heng hun laia a neih chhoh niin, hla chuai thei tawh lo tur ‘Wonderful Tonight’ hla pianchhuahnan a kila lung pawimawh leh langsar a ni zui ta.