Mauricio Pochettino-a’n Chelsea a chhuahsan dawn tih a chian hnuin Manchester United leh Bayern Munich ten Pochettino hi an bengkhawn nghal var. (Standard), external
Stuttgart manager Sebastian Hoeness leh Ipswich Town boss Kieran McKenna te chu Pochettino hmunruak luah a, Chelsea enkawl tura rinkai zual zingah an tel. (Teamtalk), external
Girona boss Michel leh Leicester City manager Enzo Maresca te chu Chelsea in an manager thar ni tura an hual zingah an tel. (Telegraph – subscription required), external
Chelsea leh an manager hlui Thomas Tuchel te chu inpawh takin an indawr a. Blues in 2022 a an ban Tuchel hi Stamford Bridge-ah a kir leh mai thei. (Florian Plettenberg), external
Manchester City chu Saudi Arabia club in lak tuma an ngaihven Brazil goalkeeper Ederson hnenah contract thar zawrh leh turin an inhawng reng. (Fabrizio Romano), external
Manchester United chuan England centre-back Jarrad Branthwaite an la thei lo a nih chuan Crystal Palace leh England defender Marc Guehi lak an tum zui nghal ang. (Mail)
Everton chuan Newcastle United leh Tottenham in lak tuma an ngaihven Branthwaite man atan £80m an chhiar a. Hei hi defender ngaihven hlawh Branthwaite man an chhiar hniam theih ber a ni. (i Sport)
Tottenham chuan nipui bazar inhawn hunah Bournemouth striker Dominic Solanke lak an tum. (Talksport), external
Arsenal, Manchester United leh Liverpool te chuan Portugal centre-back Antonio Silva chungchangah Benfica an bia. (Caught Offside), external
June ni 1 atanga Liverpool manager thar tur Arne Slot chuan Benfica leh Turkey midfielder Orkun Kokcu chu bazar inhawn huna lak a duh ber atan a dah. (Givemesport), external
Tottenham chuan Chelsea hnenah Trevoh Chalobah chungchang an zawt chiang a. Spurs hian Chelsea player pahnih; Chalobah leh England midfielder Conor Gallagher te lak an tum. (HITC), external
Manchester United leh Bayern Munich te chuan thawhleh zan khan IFK Gothenburg tana khel mek kum 18 mi Malian midfielder Malick Junior Yalcouye belchiang turin an scout te an tirchhuak. (Expressen – in Swedish), external
Aston Villa chuan Sevilla hnenah £12.8m tawktarhin Argentina defender Marcos Acuna lei dilna an thehlut. (Fichajes – in Spanish), external
Villa hian Torino-a khel tha tak Italy defender Raoul Bellanova an ngaihven tel bawk. Kum 24 mi hi West Ham leh Manchester United te pawhin lak an duh ve bawk. (Tuttosport – in Italian), external
West Ham chuan Bundesliga season liam taah Stuttgart tan goal 28 thuntu Serhou Guirassy lak an rilruk. (Standard), external
Tottenham chuan Aston Villa in Juventus atanga lak an tum Italy defender Andrea Cambiaso chhuhpui ngei an tum a, kum 24 mi hi Juventus chuan £34m an chhiar. (Calciomercato – in Italian), external
Fulham leh West Ham te chu Corinthians nen kum 19 mi Brazilian forward Wesley chungchangah an indawr. (Caught Offside)