Celtics an chak nghal

Nilaini zing khan NBA conference play-off final game khatna khelh a ni a, inkhel hmuhnawm takah Boston Celtics in harsa takin Indiana Pacers lakah hnehna an chang.

Final game khatnaah Boston Celtics leh Indiana Pacers te an inhnehtawk viau a, hun pangngaiah point 117 ve ve thawkchhuakin an inhnehtawk phawt. Hun pangngaiah an inhnehtawk hnuin overtime-ah Celtics an chetha a, point ngain hnehna an chang.

Eastern Conference final lut thei tak Celtics hian final game khatnaah bul an tan tha a, quarter hmasa berah point thumin an chungnung nghal. Celtics lakah bul tan tha lo mahse Pacers an insiamtha thuai a, quarter hnihnaah point thumin an chungnung ve thung a. Chungnung zawk awm lovin chawlhlawk an hmang..

Chawlhlawk hnu lamah inkhel a hmuhnawm zui viau a, quarter thumnaah point khatin Celtics an chungnung a. Quarter hnuhnung berah point khatin Indiana Pacers an chungnung zui ve leh a, hun pangngaiah point 117 ve ve thawkchhuakin chak zawk an awm thei lo.

Hun pangngaiah chak zawk an awm theih loh hnuin overtime an khel chhunzawm. Overtime hmuhnawm takah Celtics in point 16 an thawhchhuah laiin India Pacers in point 11 an thawkchhuak ve thung a, point ngaa chungnung Boston Celtics in final game hmasa berah hnehna an chang ta a ni. Pacers an hneh tum hian Jayson Tatum chuan point 36 a thawkchhuak a, a chetha hle. Hun pangngaiah Pacers tlawm tur chhanhimtu Brown chuan point 26 a thawkchhuak.

Tarlan tawh thin angin NBA playoff hi game 7 khelh tura ruahman a ni a, game li la hmasa zawk zawkin hnehna an chang mai thin. NBA play-off final hi June ni 6-ah khelh tan tura ruahman a ni a. Eastern conference final-a intum Boston Celtics leh Indiana Pacers te inkhela chak zawk zawkin Western Conference final-a intum Minnesota Timberwolves leh Dallas Mavericks te inkhela chak zawk zawk an hmachhawn zui leh ang.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427