Saudi Pro League club Al-Ittihad in lak tuma an ngaihven hnuin Turkish club lian pathum Fenerbahce, Besiktas leh Eyupspor te chuan Newcastle defender Kieran Trippier chu lak tumin an ngaihven thar ve leh. (Sky Sports)
West Ham chua club nei lova awm mek Cameroon international Joel Matip leh Republic of Ireland international John Egan te lak tumin an ngaihven. Hammers hian an tlarhnung thuamchak nan centre-back thar lak luh ngei an duh. (Sky Sports)
Manchester United chuan Denmark midfielder Christian Eriksen chu tun thla hi chuan an chhuahtir hmel loh. (Football Insider)
Newcastle chuan bazar inhawn leh hunah kum 25 mi Nottingham Forest winger Anthony Elanga lak an tum leh ngei dawn. (Football Insider)
Ajax leh Southampton te chuan loan a kum 22 mi Ghana forward Kamaldeen Sulemana hawh chungchangah tawngkain inremna an nei thei tawh. (Fabrizio Romano)
Liverpool leh Arsenal te chu kum 18 mi Palmeiras centre-back, Brazilian Vitor Reis ngaihven zualtu zingah an tel. (Caughtoffside)
Everton chuan Chelsea defender Axel Disasi, Ivory Coast forward David Datro Fofana te lak theihna hun tha an neih an hnar. Toffees hian English striker Dominic Calvert-Lewin manah player pahnihte hi dawn theihna hun tha an nei a, an hnar ta zawk a ni. (Givemesport)
Kum 18 mi Manchester City winger Joel Ndala chuan loan a PSV Eindhoven a zawm fel hmain medical test a hmachhawn a. Ajax hian a ngheta lak luh zui theihna an nei ang. (Athletic – subscription required)
Romania forward Ianis Hagi chuan Rangers chhuahsan a, Bucharest side FCSB zawm theihna hun tha a neih a hnar. (Football Insider)
Southampton ah season tawp ruala contract hman zo tur Scotland midfielder Stuart Armstrong chuan Vancouver Whitecaps a zawm fel thei tep tawh. (Daily Hive)