BJP Mizoram chuan Aizawl Football Club Mizoram a Club hlun leh Mizo naupang te leh thalaite tana nasa taka hma an lo lak tawh na hi chhuan awm kan tiin Aizawl FC a tir atanga dintute leh vawiin thlenga enkawl tute chungah lawmthu kan sawi a ni, an ti a.
BJP Mizoram chu Mizo te leh Mizo hnam tana ding kan nih angin Mizoram hmasawnna thawhna kawngah theihtawp kan chhuah zel dawn a, Central atanga Mizoram thalai te leh naupangte tana Infiamna lama hmasawnna tur PFC atanga CSR Fund Aizawl FC Field N Lungleng ami tihchangtlunna tur Dt 11th October 2023 a an pek tawh chu vawiin thlenga State Sorkarin ala hup bet chu BJP Mizoram chuan pawi kan dem hle a, Central atanga Thalai te hmakhua ngaia hmalakna hi a khaihlak anih chuan nakin zel ah hetiang Funding hi kan chan chhunzawm ahlauhawm hle in kan hria a ni. Chuvangin Mizoram Sorkar hian ngun taka ngaihtuah chunga N LUNGLENG a Aizawl FC Field tihchangtlunna tur chu arangthei ang ber a tihfel sak turin Mizoram Sorkar leh Sport Minister zahawmtak Mizoram Football ngainatu ni bawk chu kan ngen bawk a ni, tiin thuchhuah an siam.
BJP Mizoram chuan Aizawl FC te rawtna anga Central sorkar in, Power Finance Corporation(PFC) kaltlanga Aizawl FC Football Ground, N.Lungleng a Phullem phahnan Rs 546.90 lakh a pek chu Aizawl FC duhdan anga Mizoram State Sports Council chu Implementing Agency ah PFC pawhin an ruat hi a tha hle in kan hria a, hetih mek laia Ni 11th October 2023 daih tawh a hna tan turin Agreement ziak tawh nisi, vawiin thlenga hna tan theih loh a awm hi apawi tak zet a,He project hi withdraw emaw cancell theih dinhmunah a din tawh avangin Central lam hian min hriattir tawh a, chuvangin thalai te hmakhua ngaitu ZPM Sorkar hian he Project hi aranglama tihfel sak thuai turin kan ngen a ni. Hmalakna a awm lo anih a, he sum hi Withdraw emaw Cancell emaw a nih chuan a mawhphurtu hi tunge tih mipui hriatah kan puang chhuak ngei dawn a ni, an thuchhuahah chuan an ti a.
Nikum December 2023 ah ZPM sorkar thar alo piang a. Thla 10 zet hnu vawiin thlengin hmalakna ala awm lo hi pawi kan ti a.Central sorkar hotute atanga thu kan hriat danin PFC pawhin MSSC ah na takin lehkha an rawn thawn tawh a, chuvangin he Project tihkhawtlai chhan hi party politics tenawm tak vang ni ngeiin kan hria a, SASCI sum 1st Instalment an hman mai loh vanga Rs 23331 lakh a lapse ang kha tithleng nawn tawh lo se tih hi State Sorkar kan ngenna a ni. Centrala Sorkarin Mizoram thalaite leh footballers te ngaipawimawha Aizawl FC tana CSR Project a rawn pek hi tihkhawtlai lova, anihna anga kalpui mai tur leh thataka sak a, siam anih theih nana thlawp zawk turin Mizoram Sorkar chu Mizoram BJP chuan kan ngen a, Mizoram hmasawnna tur atana sum awm sa Lapse thin hi apawi avangin, BJP Mizoram chuan PFC CSR Fund pawh hi Aizawl FC in an chan(lost) lohnan theihtawp kan chhuahpui dawn a ni, an ti bawk.