Private jet a zin vei vak thin Taylor Swift chuan online kaltlanga thlawhtheihna zinkawng chhui thin zirlai pakhat chu dan hmanga hrem ah a vau ta.
Mimal remtihna leh phalna tel lova heti anga hnuchhui chu intihduhdah tumna bak a ni lo tiin, Taylor-i lawyer Katie Wright Morrone chuan college zirlai Jack Sweeney hnenah legal action lakah a vau a ni.
Heti anga invauna hi Jack-a chhungte chuan an ngawihpui mai lova, Taylor-i team te chetdan zawng zawng hi The Washington Post-ah an bunchhuak vek nghe nghe.
Legal team-in lehkha an thawhnaah hian Taylor Swift-i priave jet zin vei vah dan chhui zui a, online kaltlanga tarlan zel a nih chuan dan hmanga kalpui mai loh chu an tan duhthlan tur a awm lo, an ti.