Aizawl: Doordarshan Kendra (DDK) Stringer ni lai mek, Johan Lalhmunmawia, Venghlun Lunglei chuan Thawhtanni zan dar 7 khan a thi.
Johan Lalhmunmawia hi Mizoram Journalist Association (MJA) member ni lai niin, a nupui Ramfangzauvi leh a fa pali a kalsan.
Kum 2009 khan Johan Lalhmunmawia hi MJA member-ah lutin kum 2021-2022 khan District MJA, Lunglei-ah Information Secretary a ni a, kum 2022-2024 khan General Secretary a ni leh a, a thih ni thlengin MJA Lungleiah Executive member a ni.
Kum 2006-ah DDK Stringer-ah lutin, a thih hnu thleng hian Lunglei lam chanchin tana thawhhlawk leh tangkai tak a ni a. Hei bakah JB Cable TV-ah te leh LDF Cable TV News-ah te, Daifim Daily News-ah te pawh a thawk tawh thin.
Johan-a hi Mizo Zaimi Inzawmkhawm (MZI) Hqtr Lungleiah Executive Member nilai a ni a, AMFU Lungleiah nihna pawimawh tak te pawh a lo chelh tawh a ni.