Aizawl: Thawhlehni khan Assam Rifles leh Excise thawkdun chuan an thudawn bawh zuiin Champhai Zote-ah heroin gram 15.40 an man.
Heroin hi Tlangmawii (40), Champhai bag ah lai atangin an man a, Rs nuai 15.40 hu nia chhut a ni.
Ruihhlo neitua puh leh heroin hi Excise Dept.-in an kawl a, thubuai ziak lutin dan angin hma an lak chhunzawm ang.
Hemi ni vek hian AR leh Custom Preventive Force, Champhai tangkawp chuan Myanmar atanga lakluh nia hriat kuhva rah tam tak an man.
An thudawn bawhzuiin AR leh Champhai Custom hian Ngur, Champhai district-ah kuh rah kg 8,000, Rs nuai 56 hu nia chhut an man a. A kaihhnawihah hian mihring man an nei lo.
Kuhva rah an mante hi Champhai Custom hian an kawl a, dan angin hma an la chhunzawm ang.