Aizawl: Chhamb khawpuia India leh Pakistan sipai inkahna cham 53-na pualin ‘53rd Anniversary of Battle of Chhamb-71’ chu nimin khan Aijal Club-ah Ex Fighting Fifth Association (EFFA) bultumin hun hman a ni.
He hunah hian Lt. Gen. AS Pendharkar, G.O.C 3 Corps Hqrs. chuan khuallian niin a hman pui a. Lt. Gen. JR Mukherjee (Retd.) leh Maj Gen. PK Puri (Retd.) te chu khual zahawm an ni.
Inkhawm hi EFFA President Sub. Laltana (Retd.), chuan kaihruaiin, Chhamb indonaa 5th Assam Regiment atanga nunna chante sunna hun hman a ni.
‘Battle Honour of Chhamb 71’ puala hun hmannaah hian EFFA member-te leh an chhungte an tel.
December 3, 1971 khan Chhamb khawpuia inkahnaah hian Pakistan sipaiin tam hneh hle mah se, 5th Assam Regiment-ten huaisen takin ram tan an lo do let a. He indonaah hian 5th Assam Regiment mi 21-in nunna an chân bakah, hliam tuar eng emaw zat an awm.