Dec. 11- airport panna lei dawh hman theih turin hma la

Aizawl: Lengpui Airport panna kawng, Lengte kai lei dawh mek chu December 11, 2024 atangin lirthei kaltlang theih tura kawng hawntir tumin hma la.

Nilaini khan Mamit bialtu MLA Er H Lalzirliana chuan Lengpui airport panna kawnga lei dawh mek enfiahin, lei dawh hna thawktu, Poddar Infratech Pvt. Ltd te chu mipuite harsatna sutkian thuai a nih theihna atan chak taka hmalakna kalpui tura a ngen bakah ruahmanna a siampui.

Er H Lalzirliana chuan lei dawh mek hi November 30, 2024-a zawh fel tura ruahman, a hun taka zawh fel a ni thei lo chu Mamit district mipuite mai bakah, Lengpui Airport kaltlanga zin vei vakten an tawrh nasat dan te, khawthlang mipuiten kawng hrang hrangah harsatna nasa tak an tawh avangin a rang thei ang bera zawh fel anih theihna atan hnathawktute hma la turin a chah.

December 6 leh 10 inkarah lei dawh hna hi zawhfel tum a ni ang a, he mi hun chhung hian zawh fel a nih ta lo a nih pawhin, December 11, 2024 atang chuan lirthei kaltlang theih turin kawng hi hawn a nih tawh dawn a ni. He hnathawh mek hi tha taka zawh fel a nih theihna atan a tawp thlengin Mamit bialtu MLA chuan a enzui tur thu, hnathawktute hi a hrilh bawk.

Mamit bialtu MLA hi Poddar Infra Tech Pvt. Ltd Manager, Mradul Bhardwaj leh National Highway Sub Division 1, SDO, R. Lalthanmawia chuan an lo dawngsawng.

Hetih lai hian Aizawl SP Rex Zarzoliana Vanchhawng chuan nimin khan, December 4 atanga 10, 2024 chhung hian Sihhmui leh Lengte peng inkar kawngpui hi khar tur a ni a, lirthei eng chi mah tlan phal a nih loh thu leh, Lengpui Airport leh Mamit lam kal tur lirtheite chu Buichali lamah kal turin thupek a tichhuak a. He thupek hian December 4-10, 2024 chhung a huam ang. Thupek bawhchhiate chu dan anga hrem theih an nih thu a tar lang bawk.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427