Aizawl: Mizoram Rural Bank chuan ‘The Rights of Persons with Disabilities Act, 2016 & Rules, 2017’ Mizo tawnga lehlin leh a bua siamna senso phuhrukna atan CSR kaltlangin Commissioner, Persons with Disabilities hnenah Rs 2,00,000 a hlan.
Mizoram Rural Bank aiawhin Sheryl L Vanchhong, Chairman chuan cheque hi hlanin, Persons with Disabilities Office aiawhin Vanlaldiki Sailo, Commissioner chuan a dawng a ni.
Hlanna inkhawmah MRB Chairman, Sheryl L Vanchhong chuan ‘The Rights of Persons with Disabilities Act, 2016 & Rules, 2017’ Mizo tawng ngeia lehkhabu pakhata dah a ni tur chu lawmawm a tih thu sawiin, rualbanloten an dikna leh chanvote an hriatchian lehzual phah a, a rah an tel a beisei thu a sawi a, duhsakna nen cheque hi a hlan a ni.