Wicked movie hlawhtling taka chang dun Cynthia Erivo leh Ariana Grande te chu Golden Globes-a nomination hmu thei zingah an tel.
Award session neih tep tawh a nih avangin nomination hmu turte pawh tar chhuah tep a ni tawh a, British actress Erivo hi film hit tak Elphaba a chan bawk avangin comedy emaw musical ah best actress atan shortlist a ni.
Hetih lai hian zaithiam leh lemchan lama huhang rawn nei chho Ariana Grande pawh best supporting actress dinhmun luah turin a dinhmun a tha hle bawk.
Hming langsar zingah hian Angelina Jolie, Hugh Grant, Timothee Chalamet, Sebastian Stan, Demi Moore, Pamela Anderson, Kate Winslet leh Selene Gomez te an tel ve bawk.
Golden Globes hian tun hnaiah sawisel tawk leh deuh hat thin mah se, calendar-ah chuan award lian semchhuah hmasak ber a ni reng a, nakkum kumtir lam hian semchhuah tuma inruahman leh mek a ni.