Youth Icon Top 10 concert neih turah, Inrinni zan hma zawng concert ticket zawrhna hmun thenkhatah Icon star te’n anmahni duhsaktu leh ticket leitute tan hun remchang an siamsak thin.
December 14, 2024 (Inrinni) zan hian Youth Icon 2024 Top 10 concert chu AR Lammualah neih tura ruahman a ni. Tunah hian concert ticket hi hmun hnih – Millennium Centre tualzawlah leh EVOK LBS Lifestyle dawr, Transport office bulah te siam a nih bakah, online hmang pawha ticket hi book theih reng a ni.
Concert ticket zawrhna hmunah te hian, Inrinni hma zawng chu Icon star te zinga a hman remchang apiangin ticket leitu, anmahni duhsaktute tan ticket zawrhna hmunah hun remchang an siam sak thin a. He hmunah hian a duh tan thlalakpui theihin an inlan thin a ni.
Hriat theih chinah Millennium Centre tualzawlah Youth Icon Lalsangliana (Taitea) leh J Lalrosanga (RS-a) te chuan, an hun chep tak karah anmahni duhsaktute leh ticket leitute tana hun eng emaw chen an inlan chhungin, bawrtu an ngah hle.