AZL: MSU General Headquarters Executive Committee Meeting nimina thukhawm chuan sikul hmingchhiat hlauh vanga zirlai thenkhatte exam form fill-up phalsak loh chu pawi an ti.
MSU chuan kum 2024-25 session chhunga sikul thenkhatten an naupang thenkhat, zirnaa hnufual deuha an ngaihte result tha, pass percentage tha duh vang leh sikul hmingchhiat hlauh avanga an sikul hminga exam tura form fillup phalsak an ni lo chu pawi an tih thu an sawi a. “Sorkar thupek bawhchhiatnaah leh naupang chanvo chhuhsaknaah a ngai,” tiin hetiang avanga harsatna nei zirlaite an hnenah an hming leh sikul hriattir turin mipui an ngen.