Aizawl: Hrangturtzo bialtu MLA Lalmuanpuia Punte chuan a bial chhunga kum 80 chin chung lamte hnenah Krismas thilpek atan puan nuam a pe.
Adviser to Chief Minister ni bawk Lalmuanpuia Punte chuan chawlhkar kalta chhung khan a bial chhung khaw hrang hrang fanin, a bial chhunga upa, kum 80 chin chunglamte hnenah Krismas thilpek atan puan nuam a pek bakah, Biakte, E. Lungdar leh N. Vanlaiphai khuate hnenah phul samna tur khawl a pe a. Leng khua leh Piler khua futsal ground-a phah tur phul lem (artificial turf) leh Leng khaw thirdeng tan pûm a pe bawk.
Hrangturzo bialtu MLA hian a bial chhung mipuite hlim leh lawm taka Krismas hmang turin duhsakna a hlan bakah, Krismas hmanna tura thawhlawm leh fate thawmhnaw thar leina tur neilo mi harsate pualin inhlawhna, MLA Fund atanga pein, party block/group/unit hruaitute hnenah party induhsak bikna awm miah lovin mi harsate inhlawhtir turin a hrilh bawk a ni.