AZL: Krismas lo thleng tur pualin Inrinni zan khan Larsap Dr. Hari Babu Kambhampati leh a nupui, Lady Governor Jayasree Kambhampati hovin Raj Bhavan-ah Christmas Carol hman a ni a. He hunah hian Aizawl West-I Area Masihi Sangati, Mizoram Presbyterian Church member-te an tel.
Larsap Dr. Kambhampati te nupa chuan Mizoram mipuite Krismas leh Kumthar hun hlimawm tak hmang turin duhsakna an hlan a. Krismas lo thleng tur chuan remna leh muanna bakah inpumkhatna thlen se a duh thu a sawi.
Aizawl West-I Area Masihi Sangati member 32 te chuan Krismas hla remin malzai, zaipawl, thuchah leh medley-te ngaihthlak a ni a. Larsap hian thilpek a hlan bawk.