Manchester City manager Pep Guardiola chuan Manchester derby a an chak loh hnuah a tha tawk tawh lo tih inpawmin, buaina zawng zawng chu chinfel a tum reng thu leh, a harsat rih thu a sawichhuak.
Derby-ah hian Manchester City chuan an thenawm Manchester United chu 2-1 in an mualah an hneh lo a, City tan hian Gvardiol chuan goal khungin, an chakpui mai dawn a a lan hnuah Manchester United chuan hun tawp dawnah goal hnih khungin an lehthal a ni.
Manchester United tan hian Amad Diallo chuan penalty hlawhchhuakin, captain Bruno Fernandes chuan goal-ah a chantir a, team pahnihte an inhnehtawk mai dawn a lan hnuah hun tawp dawn tepah Amad Diallo bawk inlarin, defender Martinez ball pek luh chu harsa taka lain, goal thei lo tura ngaih atangin a ti goal a, mualneitu lamin an chhan let theih tawh loh avangin 2-1 in Manchester United hi an chak ta zawk a ni.
Inkhelh zawhah Manchester City manager Guardiola chuan a tha tawk tawh lo tih a inpawm thu sawiin, hun harsa tak an hmachhawn mek lai a nih thu a sawi a, tunhnai an game-ah chak ni hmel an hmuh hleih theih loh lai a ni bawk nen, theihtawpa tho kang tura an beih zel tur thu a sawi chhuak.
Pathianni zan premier league inkhel dangah Chelsea chuan an mikhual Brentford chu 2-1 a lo hneh ve bawkin, league hmahruaitu Liverpool chu point hnih chauhin an pha tawh lo a, Chelsea hi khelh khatin an khel tam zawk thung.