Aizawl: Thawhlehni zingkar khan Aizawl East II bialtu MLA B Lalchhanzova chuan a bial chhung, Tuithiang leh Bethlehem kawng chhia siam that ngaite a tlawh.
Bialtu MLA B Lalchhanzova chuan Chhinga veng leh Sihlui inkar (Bazar road), Sihlui leh Lalat Bridge inkar (via Tuithiang venglai) kawng thuamthat ngaite a tlawh a, fur ruahtui tam avanga kawng chhia a tam thu leh rin aia hma a kawng thuam that ngai a tam thu a sawiin, kawng chhia thuam that ngai thuam tha turin sorkarin hma a lak zel thu a sawi a. He lai kawng thuam that hna hi Krismas present atan thawk nghal se tiin PWD hotute a hrilh.
Chhinga Vengthar khawtlang hruaitute’n bialtu minister hnena speed breaker siam an ngenna pawh PWD Road South te hian siam nghak mai se tiin ruahmanna a siampui nghal.
Bialtu MLA hi Road North EE Er. Lalpeka Renthlei, SDO leh JE Aizawl Road South te’n an tawiawm.