Aizawl: Thawhlehni khan Mizoram Information Commission chuan Mizoram RTI Online-a State Public Information Officer (SPIO) la in-register lo department 15 hotute chu John Neihlaia, Chief Information Commissioner leh Mangjangam Touthang, Information Commissioner hmaa inlan turin a ko.
He hunah hian Head of Department leh Senior Officer eng emaw zat inlanin, RTI Online-ah an department SPIO la in-register lote in-register ngei a tul thu hrilh an ni a, department hotute pawh hian a hma thei ang bera MIC thuchhuak hi zawma hma lak an tum thu an sawi.
Thawhtanni khan department 11 hotute CIC hmaah hian an lo inlan tawh a ni.