Aizawl: Tun hnaiah halpuah leh halmawi tum 7 zet man a ni tawh a, hemi vanga thubuai nei mek paruk an awm.
Nimin khan hunpui lo thleng tura hal phuah leh halmawi khap chungchang thlirletna chu Home Minister K Sapdanga hovin neih a ni. He huna tar lan a nih danin, tun hnaiah hian halpuah leh halmawi tum sarih (7) zet man a ni tawh a, hemi vanga thubuai nei mek paruk an awm bawk. An man tawh zat hi suma chan tirin Rs nuai 20 chuang man zet a ni tawh.
Home Minister K. Sapdanga chuan, halpuah leh halmawi tel lo va Krismas hlim taka kan hman theihna turin mipuite tawiawmna an dawn ngei a rin thu a sawi a, mipuite pawh sorkar thuchhuah ngai pawimawh a, halpuah leh hal mawi hal lo hram turin mipui a sawm.
He hunah hian Home Secretary, DIG, Aizawl DC leh SP Aizawl te an tel.