Bollywood star lar leh huhang nei tak Tabu chuan khawvel huap ngaihtuah pawhin film leh TV production-ah hmeichhiate chuan hma an hruai nasa zawk hle niin a sawi.
Tun hnaia tihchhuah Dune: Prophecy-ah episode hnuhnung ber tlangzarhnaah inlanin, Tabu chuan hmeichhiate chu engkima sulsultu leh film leh production industry-ah pawh hmasa zawk zel an nih thu a sawi.
He episode tlangzarh takah pawh hian director chu Anna Foerster niin, a ngaihsan thu Tabu chuan a sawi bawk.
Tabu hi Hindi movie chauh ni lo, khawvel film lian takah pawh lo inrawlh ve nual tawh a ni a, khawvel hmun hrang hrangah inthlak danglamna thleng zelin, hmun tam takah phei chuan hmeichhiaten hmun lailum pawimawh tak an chan chhoh thu a sawi.