AZL: AMC Board of Corporators (BoC) meeting chuan local council thar pahnih a pawm.
Thawhlehnia BoC Meeting Hall, AMC Office-a Aizawl Mayor Lalrinenga Sailo kaihhruai meeting chuan local council thar pahnih – Bawngkawn West leh Tlangnuam West Local Council te indanna tura rawtna a pawm.
Hei bakah Aizawl chhunga parking area a felfai zawk nana ruahmanna, parking demarcation siamrem rawtna pawm a ni bawk.
Meeting-ah hian Lalringliana, Executive Corporator, i/c Cash & Accounts chuan budget speech neiin Revised Estimate 2024 – 25, Rs. 11,565.30 lakh chu a pharh a, Revised Estimate in Budget Estimate 2024 – 25 (Rs. 11,518.40 lakh) a khumna hi Rs. 46.90 lakh a ni. Revised Estimate hi Corporator-ten lungrual takin an pawm bawk.