Spider Man film hmasa lama a changtunu lar tak ni thin Kirsten Dunst chuan Nu Lungchhia role-a chantir a nih thin vangin lemchan khawvel atangin chawlh a lak phah, a ti.
Marie Claire magzine-in a kawmnaah kum 41 mi chuan Oscar nominiation a hmuh hnu a kum hnih a chawlh chungchangah, “Ka kum zat ang mil tur role tha bawk si a tlem tak vang a ni. Kum hnih ka chawl tawh. Role min pek te lah hi Nu Lungchhia lampang hlir a ni bawk si a ni,” tiin a sawi.
Dunst hian fa pahnih James (2) leh Ennis (5) te a nei a, “Dik taka sawi chuan, hna awlsam a ni lo. Mahnih inchawm zawh te a ngai a, karah fanau an lo awm phei chuan Nu nih hi thil awl tak a ni lova, Nu te hian an hrechiang vek ang. Keimah chauh ka ni lo,” a ti bawk.