Aizawl: CSR Cell te chu nimin khan an chairman TBC Lalvenchhunga hovin a pisaah an thukhawmin an hmalak tawhna te thlirletin, hmachhawp an neih te an sawi ho.
He thutkhawmah hian December 10, 2024-a CSR Cell in I&PR Conference Hall-ah Mizorama CSR fund dil thei registration nei leh neih tum pawl, sorkar department, agency leh Deputy Commissioner zawng zawng te sawma awareness campaign a buatsaih te an thlir let a. Awareness nasa zawk kalpui dan turte ruahman belhin, nakkum lama CSR Conclave lian tham buatsaih dan tur pawh an sawi ho.
CSR fund dil thei registration nei society, sorkar agency leh department te leh CSR Fund pe thin corporate aiawhte inthlun zawmna tur online CSR matchmaking platform an duan mek pawh an peih fel tep tawh thu an sawi.
India ramah CSR Fund tam tham tak hi kumtin a awm reng a. A dil thei leh dil thiam Mizoramah an tlem si avangin Mizoram chu CSR Fund dawng tlem ber state a ni thin. Tam zawka CSR Fund hmuh a nih theih nan sorkarin CM office-ah CSR Cell hi a din a ni.