Aizawl: Mizoram Larsap Dr Hari Babu Kambhampati chuan Neeraj Kapoor, DGM, SBI Silchar chu nimin tlai khan Raj Bhavan-ah lo mikhualin, mipui tana duan sorkar laipui scheme-ah mamawhte tanpuina a ni tih rilru pua loan tam zawk pe chhuak turin a chah.
Dr. Kambhampati chuan Mizoram mipui bank account nei zingah social security scheme-a inziak lut an tlem lutuk chu veiawm a tih thu a sawi a. Mudra loan leh mipui tana duan scheme-ahte mamawhte tanpuina a ni tih rilru pua loan tam zawk pe chhuak turin a chah.
Banking sector-ah hmasawnna tam tak a thlen thu sawiin, hengte hi hmang thiam tura mipuite hnena zirtirna kalpui uar deuh deuh turin a chah bawk.
Kapoor leh he huna tel, Hubert SZ Khobung, Regional Manager, SBI Aizawl-te chuan larsap-in a ngaih pawimawh em em, social security scheme bakah scheme pawimawh tak takte mipuiten an chhawr tangkai theih nana theihtawp an chhuah tur thu an hrilh a ni.