Golden Globes sem zawh takah Demi Moore chuan best actress dawngin, hun rei tak hnua a dawng leh thei chu lawmawm a tih thu a sawi.
Kum 62 mi actress hian The Substance a chan fuh em avangin he chawimawina hi a dawng a, he film a chan hma chuan rilru hnual taka a awm fo hman thin thu a sawichhuak.
Moore-i hian lawmthu a sawinaah a duhzawng tihna hun tha a nei leh award in a umzui tak avanga phurna a neih zual thu sawiin, ‘ka ta chu a lo kir ta’ a tichhuak hial a ni.
Awards season-a lawmman semna lian hmasa ber Golden Globes dawngtute hian Oscar an dawng zawm duh hle a, Moore pawh hi a dinhmun a that phah hle.
Golden Globes award-ah hian mak tih hlawh tak thleng nawlhin, Brazilian actress Fernanda Torres-i chuan actress lar leh huhang nei lian tak tak Angelona Jolie leh Nicole Kidman-te khumin, best drama actress a dawng nawlh bawk.