England-a football club-ten nomawi an inchuh thina an ngaihhlut loh deuh ber nia an sawi thin, English Football League Cup an tih, a sponsor-tu hmingchawia Carabao Cup an tih bawk semifinal chu Thawhlehni leh Nilaini zanlai hian khelh a ni dawn.
Inkhel hmasa zawkah Thawhlehni zan (Nilaini zing) dar 1:30 hian Emirates Stadium, London-ah Newcastle United an mikhual hmasa dawn a. Nilaini zan (Ningani zing) dar 1:30-ah Tottenham Hotspurs-in Premier League hmahruaitu, Liverpool an mikhual ve thung ang.
Semifinal hi mahni mual ve vea khel tur an ni a, February 6 leh 7-ah tuna mikhual zawkte mualah ve ve an khel leh ang.