India rama loneitu nawrh huaihawt mekte hruaitu Jagjit Singh Dallewal,70 chuan ni 40 chhung chaw nghei tawhin, an thil phut hlawhtlinna an hmuh hma chu nawrh a la tum reng a ni.
Doctor-te chuan Dallewal-a hriselna hi a chhe tawh hle niin an sawi a, a tawng thei tawh lo nia sawiin, heti a ni chung hian amah leh amah thlawptute chuan tun thlengin damdawi in lama hruai tumna an la nei lo niin an sawi.
Supreme court chuan Dallewal-a awmna Punjab state chu thla hmasa khan sorkar damdawi ina dah lut turin a lo hriattir tawh a, mahse vawiin thlengin sorkar chuan a la dah lut thei lo thung a ni.
Dallewal hian nikum February thlaa Punjab leh Haryana state ramri-a loneitu sang tam tak punkhawm atang khan nawrh hi a huaihawt tan a, buaina hrang hrang a lo chhuak fo tawh thin bawk.