UK hmun tam takah vur a sur nasa hle a, an ram sorkar chuan vur sur laka mipui an him theih nan inveng tha turin mipuiteah hriattirna a tichhuak nasa hle.
England khawthlang lamah hmun thenkhat chuan vur sur nasa vanga vaukhanna hi tum 100 chuang tihchhuah tawh a ni a, tuilian thleng palh thei reng a nih bawk avangin inralring turin an hrittir nasa hle bawk.
Environment Agency te chuan UK chhehvela lui lian tak takte chu an enfiah mek tih an sawi a, hmun thenkhat chu hlauhawm dinhmunah a ding chho tan niin an sawi.
Kartawp pawh khan UK hmun hrang hrangah vur a sur nasa hle a, hei hian ruahtui a siam nasat bawk avangin transport service leh inkalpawhna thenkhat chu tihtawp leh tihkhawtlai a ni nasa hle a ni.