Aizawl: Minister Dr Vanlalthlana hoin a department enkawl School Education, High & Technical Education, Information & Public Relations leh Information & Communication Technology department-a thawktute chuan nimin khan kum thara inhlan tharna hun an hmang.
Information & Communication Technology department pisa-a hun hmanga Dr Vanlalthlana chuan, kum kalta-a department official-te nen thawh hona tha tak an neih avangin lawm thu a sawi a. Kum thar a nih angin rilru thar pu chunga ram leh hnam tan a theih tawpa thawk chhunzawm zel turin a department enkawl a thawktute chu a fuih a. Sorkar chu thawhhona leh inrintawnna avanga kal thei a ni tih sawiin, inpawh tak leh inlungrual taka thawk theuh turin a chah bawk.
Sorkar chu mipuite ta a nih angin sawrkar hnathawk chu mipui rawngbawltu an ni a, an hnathawhnaah an rawngbawlsak mipuite chu dah pawimawh hmasak nachang hre zel turin a chah bawk.