Thawhlehni zing lam khan Tibet tlangramah lirnghing na tak thlengin, mi 50 chuangin nunna an chan.
China state media-te tarlan danin lirnghing avang hian mi 53 in nunna an chan tawh a, mi 62 in hliam an tawrh bakah, hmun hrang hrang dinhmun enfiah mek zel a ni.
Lirnghing thlen hun hi an ram huna zing dar 9 vel niin, magnitude 7.1 vel niin, lirnghing hi lei hnuai kilometer 10 vel atanga intan nia sawi a ni bawk.
Tibet bial hmun thenkhata lirnghing avang hian an ram thenawm Nepal leh India ram hmun thenkhatah lirnghing na vak lo a thleng bawk a, chhiatna lian tham erawh a thleng lo nia report a ni.
Thuneitute chuan he lai bial hi lirnghing thlen fona a nih thu an sawi a, mahse tun tum ang ema na erawh chuan a thleng ngai lo niin an sawi bawk.