Gujarat-a Bharuch district-ah nimin tuk khan car in na takin truck a su a, mi pathumin an thih phah.
Police te chuan he chetsualna thlen hun hi nimin zing khawvar hma deuh, dar 3:30 vel a nih thu an sawi a, highway-a truck tlan lai chu Mumbai-Ahmedabad highway-ah car hian na takin a va su niin an sawi.
Panoli police station-a inspector Shilpa Desai chuan Maharashtra-a Palghar atangin mi pasarih chu Urs festival hmanga an lokal hnuin, Ajmer (Rajasthan) lam atangin an haw a, Surat pana an kal laiin he chetsualna hi a thleng ta niin a sawi a ni.
Car a chuang zinga mi pathumte chu a hmunah hian an thi nghal a, nunna chante hi Tahir Sheikh (32), Ayan (23) leh Mudassar (26) te an nih thu police te chuan an sawi bawk.
Hliam tuar palite chu Bharuch-a damdawi inah enkawl tura hruai nghal an ni.