Aizawl: January 11 leh 12, 2025-a New Delhi-a neih tur, Viksit Bharat Young Leaders Dialogue 2025-a Mizoram team tel turte Sports Minister Lalnghinglova Hmar kaihhruainain thlahna hun hman a ni.
Nilainia MINECO-a thlahna hun an hmanah Sports Minister Lalnghinglova Hmar chuan, Delhi-a inelna hmachhawn tura an kalnaah, thil dang dah tha rihin an kal chhanah insawrbing tura chahin, “Ram aiawh theihna hun remchang hi tu tan pawha thleng fo a ni lova, hei vang hian in inbuatsaih tawhna piah lamah theihtawpa inbuatsaih turin ka chah che u a. Theihtawp chhuah ula, hun nuam tak hmang turin duhsakna ka hlan che u.” tiin a thlah.
Mizo zirlaite zuk inlanna tur hi India rama thalai thlanchhuahte, mithiamte leh sorkar laipui hotute hmaa inlanin thupui hrang hrang thlan bik 10 atangin, Indiain hmasawnna rahbi kai a tum mek a ke a pen theih dan turte an sawi dawn a ni.
Mizoram team te hi Theme pali-a inel turin team li-ah then an ni a. An inelna turte hi – Tech for Viksit Bharat; Enhancing Productivity in Agriculture; Empowering Youth for Viksit Bharat leh Empowering Women and Improving Social Indicators-te an ni.
Mizoram team te hi Dr. Rosaline Varsangzuali, Associate Professor, Govt. Hrangbana College leh Dr. H. Lalzuithangi, Associate Professor, Govt. Hrangbana College ten an hruai ang.