Aizawl: Mizoram puma village council leh local council electoral roll, 2025 chu nimin khan tlangzarh a ni a. District pakuaa village council-ah vote nei mi 4,37,708 an awm a; AMC leh LMC hnuaia local council-ah vote nei mi 2,85,932 an awm bawk.
State Election Commission, Mizoram kaihhruaina hnuaiah electoral roll-a thun thar te, paih ngai te leh transfer ngai te tihfel a nih hnuah nimin khan Final Electoral Roll chu district pakua-a District Election Officer/District Municipal Election Officer ten an tlangzarh a ni.
Aizawl district huam chhungah hian local council 87 leh village council 70 a awm a. Tun tum Local Council Electoral Roll tihchhuahah hian voter awm zat chu hmeichhia 1,31,423 leh mipa 1,13,303, an vaiin mi 2,44,726 an ni a. Chhungkua (household) 70,582 awmin mipa aia hmeichhia an tamna chu 18,120 a ni.
AMC hnuaia local council 87 awm bikah hian vote nei hi mi 2,44,726 awmin, heng zingah mipa 1,13,303 niin hmeichhia hi 1,31,423 an awm a. Mipa aia hmeichhia tamna hi 18,120 a ni.
LMC hnuaia local council 24 awmin hetah hian vote nei awm zat hi 41,206 niin, heng zingah mipa vote nei mi 19,364 awmin, hmeichhia hi 21,842 an awm thung a. Mipa aia hmeichhia tamna hi 2,478 a ni.
Village council electoral roll-a elector awm zat chu hmeichhia 31,869 leh mipa 30,078 niin, an vaiin mi 61,947 an ni a. Chhungkua (household) 17,878 an awm a ni; mipa aia hmeichhia an tamna chu 1791 an ni.
Local council leh village council general election neih hun tur chu State Election Commission, Mizoramin a hranpain hriattirna a tichhuak leh dawn a ni.