Aizawl: January ni 9, 2025 hian Winter Operation for Wildlife Conservation Programme kalpui mek bawhzui nan ASEP chuan Solomon’s High School nen tangkawpin Aizawl Zoological Park an tlawh a. ASEP hruaitute leh Zoo lam thawktuten zirlai naupangte hnenah nungcha humhalh chungchang zirtirna an pe.
Sahuan fan kual hma-in awareness programme tawi hman a ni a, ASEP President K. Lalmuansanga leh Zoo RO James Thanmawiate chuan zirlai naupangte chu nakkin lawka ram enkawltu turte an nih dawn avangin, ramin hausakna a neih hlu ber pawl environment leh nungcha humhalhna kawngah theihtawp chhuahtu ni turin a fuih.
Sahuan tlawh kual pahin nungchate nungchang leh an chanchin pawimawhte inhrilhna hun hman pah zel a ni.