Aizawl: Tun hnaia mi tu tih hriat lohte thisen chhuak khawpa Mizo zirlai thenkhatin kut an tuar chu Delhi Mizo Zirlai Pawl (DMZP) chuan an dem thu thuchhuah an siam.
Nimina thuchhuah an siamah DMZP chuan, “Tun hnaia Ramjas College, University of Delhi-a mipat hmeichhiatna lam rawngkaia zirtirtu pakhatin zirlai hmeichhe pakhat chunga a chet dan duh lohna lantira campus chhunga nawrh (peaceful protest) huaihawtah kan Mizo zirlaipuiin thisen chhuak hial khawpa mi tu tih hriat lohte kut a tuar hi kan dem takzet a ni,” an ti.
He thil thlenga inhnamhnawihte man chhuah an niha dan ang taka an phu tawk hremna an hmuh ngei theih nan theihtawp an chhuah tur thu leh, Delhi-a Mizo zirlai zawng zawngte pawh an zirlaipui thlavang hauh turin a tul huna che chhuak vek thei tura lo inralring turin an chah thu DMZP chuan an tar lang bawk.