Aizawl: Nilaini khan Mizo Sunday School Union (MSSU) Trainer’s Meet 2025 chu J.M. Lloyd Hall, Synod Office-ah neih a ni.
Trainer’s Meet hi hun hnihah then a ni a, chawhma hun hi Rev. Dr. K. Lallawmzuala, Executive Secretary-in a kaihruai a. Kum 2025 Puitling Sunday School zirlaibu ziaktu Rev. Dr. L.H. Rawsea’n zirlaibu a ziak dan kalhmang leh hriat tur pawimawhte a sawi a, zawhna leh chhanna hun hman zui a ni.
Trainer’s Meet hi rawngbawl tura infuih tharna hun atan hman a ni ber a, Puitling Sunday School zirlaibu ziaktu hovin zirlai zir lawkna an nei thin bawk.