Chhattisgarh chief minister office chuan an state chuan Adani Group nen power, cement, education, health, skill leh tourism bakah sector hrang hrangah thawhdunna tur cheng vaibelchhe 75,000 chuan investment tiamna an neih thu a sawi.
He thu hi Chhatisgarh chief minister Vishnu Deo Sai leh Adani Group chairman Gautam Adani ten inkawmna an neih hnu lawka tarlan a ni.
Chhatisgarh CMO tarlan danin Adani Group lam hian Raipur, Korba leh Raigarh-ah te investment thahnem tak neih an tiam a, an state chhung power siamchhuah zawng zawng chu MW 6,120 a tihpun belh thlenga an tiam thu a sawi.
Heng investment hrang hrangte hian sum leh pai lama an state hmasawnna hrang hrang a thlen theih beisei a ni a, hnathawh tur tam tak a siamsak dawn bakah, state hmasawnna zawng zawng a tichangtlung dawn niin CMO thuchhuah chuan a tarlang bawk a ni.